Address
Merc Campus, Melbourne, NSW View mapCategories
ပုံမှန်သင်တန်းများပြည်ထောင်စုသမ္မတမြန်မာနိုင်ငံတော်
ပြည်ထောင်စုရာထူးဝန်အဖွဲ့
နိုင်ငံ့ဝန်ထမ်းတက္ကသိုလ် (အောက်မြန်မာပြည်)
အခြေခံပညာဆရာ၊ဆရာမများအထူးမွမ်းမံ
သင်တန်းအမှတ်စဉ်(၁၀၂)
သင်တန်းဝင်ညွှန်ကြားလွှာ
တည်နေရာ၊ သင်တန်းကာလနှင့် သတင်းပို့ရမည့်နေ့
၁။ အခြေခံပညာဆရာ၊ဆရာမများအထူးမွမ်းမံသင်တန်းအမှတ်စဉ်(၁၀၂)ကို ရန်ကုန်တိုင်းဒေသကြီး၊ လှည်းကူးမြို့နယ်၊ နိုင်ငံ့ဝန်ထမ်းတက္ကသိုလ်(အောက်မြန်မာပြည်)တွင် ၂ဝ၂၃ ခုနှစ် ဇူလိုင်လ (၂၄)ရက် နေ့မှစ၍ ၂ဝ၂၃ခုနှစ် ဩဂုတ်လ(၂၅)ရက်နေ့ထိ ရက်သတ္တ(၅)ပတ်ကြာဖွင့်လှစ်မည်ဖြစ်ပြီး သင်တန်း တက်ရောက်ရမည့်သူများသည် ၂ဝ၂၃ခုနှစ် ဇူလိုင်လ(၂၁)ရက်(သောကြာနေ့) မွန်းလွဲပိုင်း (၁၈း၀၀) နာရီ နောက်ဆုံးထား၍ ရောက်ရှိ သတင်းပို့ကြရမည်။
၂။ နိုင်ငံ့ဝန်ထမ်းတက္ကသိုလ်(အောက်မြန်မာပြည်)၌ ဖွင့်လှစ်မည့် အခြေခံပညာဆရာ၊ဆရာမများ အထူးမွမ်းမံသင်တန်းဖွင့်လှစ်နိုင်ရေးကို အောက်ပါရည်ရွယ်ချက်များဖြင့် ထားရှိဆောင်ရွက်သွားမည် ဖြစ်ပါသည်-
(က) | နိုင်ငံ့ဝန်ထမ်းဆရာ၊ ဆရာမများအနေဖြင့် စိတ်ဓာတ်၊ စည်းကမ်းပိုမို ကောင်းမွန် လာစေရန်၊ |
(ခ ) | အခြေခံပညာရေးနှင့်စပ်လျဉ်းသော ဗဟုသုတများ၊ နိုင်ငံ့ဝန်ထမ်းနှင့်သက်ဆိုင်သော ဗဟုသုတနှင့် အတွေ့အကြုံများတိုးပွားလာစေရန်၊ |
(ဂ) | ချစ်ကြည်ရင်းနှီးမှု၊ စည်းလုံးညီညွတ်မှု ပိုမိုရရှိစေရန်နှင့် ယုံကြည်ချက်၊ ခံယူချက်၊ စိတ်နေစိတ်ထားများပိုမိုကောင်းမွန်လာစေရန်။
|
သင်တန်းသား / သင်တန်းသူများ၏အဆင့်အတန်း
၃။ ပညာရေးဝန်ကြီးဌာနအောက်ရှိ အခြေခံပညာကျောင်းများတွင် တာဝန်ထမ်းဆောင်လျက်ရှိသော မူလတန်းပြ၊ မူလတန်းကျောင်းအုပ်၊ အလယ်တန်းပြ၊ အလယ်တန်းကျောင်းအုပ်၊ အထက်တန်းပြဆရာ၊ ဆရာမများ၊ လက်ထောက်မြို့နယ်ပညာရေးမှူးများနှင့် ပညာရေးကောလိပ်များမှ ဆရာ၊ဆရာမများ တက်ရောက်ရမည်ဖြစ်ပြီး အောက်ဖော်ပြပါပုဂ္ဂိုလ်များအား ရွေးချယ်စေလွှတ်ခြင်း မပြု ရန် ဖော်ပြအပ်ပါသည် –
(က) | ဆေးအဆင့်မမီသူများ၊ (ဥပမာ-ကူးစက်ရောဂါ၊ စိတ်ရောဂါ၊ ကင်ဆာရောဂါ၊ အရေပြားရောဂါ၊အေအိုင်ဒီအက်စ်ရောဂါနှင့် နှလုံးရောဂါ၊ သွေးတိုးရောဂါ၊ ဆီးချိုရောဂါ၊ ခြေ၊ လက်၊ ကိုယ်အင်္ဂါအစိတ်အပိုင်း ခွဲစိပ်ကုသထားသူများနှင့် ဆေးထောက်ခံချက်တွင် Unfit For Training ဖြစ်နေသူများ)၊ |
(ခ ) | Covid -19 ကာကွယ်ဆေး(၂)ကြိမ်မထိုးရသေးသူများ၊ |
(ဂ) | အမှုကိစ္စမကင်းရှင်းသူများ၊ ခုံရုံး၊ တရားရုံးများတွင် အမှုဆိုင်ရန်၊ သက်သေခံရန် ရှိနေကြသူများ၊ |
(ဃ) | ကိုယ်ဝန်ဆောင်နှင့်မီးဖွားပြီးစအမျိုးသမီးများ၊ |
(င) | နိုင်ငံဝန်ထမ်းနည်းဥပဒေများ၊ နည်းဥပဒေ၁၀၁၊ နည်းဥပဒေခွဲ (ဇ)အရ မွေးကင်းစကလေးငယ် ပြုစုစောင့်ရှောက်ခွင့်ခံစားမည့်သူများ၊ |
(စ) | သင်တန်းကာလအတွင်း အဝေးသင်တက္ကသိုလ်စာမေးပွဲဖြေဆိုရန်ရှိသူများ၊ |
(ဆ) | သင်တန်းကာလအတွင်း နိုင်ငံခြားပညာသင်၊ သင်တန်း၊လေ့လာရေး၊ဆွေးနွေးပွဲ၊ အလုပ်ရုံဆွေးနွေးပွဲ သွားရောက်ရန်ရှိသူများ၊ |
( ဇ ) | ဌာနတွင်း ရာထူးတိုးစာမေးပွဲဖြေဆိုရန် အကျုံးဝင်သူများနှင့်ဖြေဆိုထားသူများ။ |
သင်တန်းသား၊သင်တန်းသူများယူဆောင်လာရမည့် ပစ္စည်းများ
၄။ (က) သင်တန်းသို့အောက်ပါပစ္စည်းများတစ်ပါတည်း ယူဆောင်လာရမည်-
( ၁ ) ခြင်ထောင် ၁ လုံး
( ၂ ) စောင် ၁ ထည်
( ၃ ) ခေါင်းအုံးစွပ် ၁ ခု
( ၄ ) မတ်ခွက် ၁ လုံး
( ၅ ) ဇွန်း/ခက်ရင်း ၁ စုံ
( ၆ ) အနွေးထည်/မိုးကာအင်္ကျီ ၁ ထည်စီ
( ၇ ) တိုက်ပုံ(အဖြူ) ၁ ထည်
( ၈ ) ခြေအိတ်(အဖြူ) ၂ စုံ
( ၉ ) ခြေအိတ်(အနက်) ၂ စုံ
(၁၀) သေတ္တာ/Baggage ၁ လုံး
(၁၁) နိုင်ငံ့ဝန်ထမ်းဥပဒေ၊ နည်းဥပဒေများ ၁ အုပ်စီ
(၁၂) ဗလာစာအုပ် ၁ ဒါဇင်
(၁၃) ကင်းဘတ်ဖိနပ်(အဖြူ) ၁ ရန်
(၁၄) PT အင်္ကျီတီရှပ်(အဖြူ) ၁ ထည်
(၁၅) A4 80 ဂရမ် ၁ထုပ်
( ခ ) သတင်းပို့လာရောက်သည့်အခါ အောက်ဖော်ပြပါ အထောက်အထား စာရွက်စာတမ်း များကို တစ်ပါတည်း ယူဆောင်လာကြရမည်-
(၁ ) နိုင်ငံသားစိစစ်ရေးကတ်ပြား၊
(၂ ) ဌာနဆိုင်ရာခရီးသွားလာခွင့်အမိန့်၊
(၃ ) အမှုကင်းရှင်းကြောင်းဌာနဆိုင်ရာ၏ထောက်ခံချက်၊
(၄) ကျန်းမာရေးဝန်ကြီးဌာနမှ ဆေးလက်မှတ် ထောက်ခံချက် ပေးပိုင်ခွင့်ရှိသော ဆေးရုံ၊ဆေးခန်းတာဝန်ခံ ဆရာဝန်များထံမှ ကျန်းမာကြောင်းဆေးထောက်ခံချက်၊
(၅) Covid-19 ကာကွယ်ဆေး(၂)ကြိမ် ထိုးပြီးကြောင်း ထောက်ခံချက်နှင့် သင်တန်းသို့သတင်းမပို့မီ (၇၂)နာရီအတွင်း Covid-19 ရောဂါပိုး စစ်ဆေးပြီး ရောဂါပိုးမတွေ့ရှိသူများကိုသာစေလွှတ်ရန်၊ Covid-19 ရောဂါပိုးမတွေ့ရှိကြောင်း ထောက်ခံချက်။
( ဂ ) သင်တန်းတက်ရောက်သူများသည် အောက်ပါကုန်ကျစရိတ်များ ကျခံရပါမည်-
( ၁) လစဉ်ဆံပင်ညှပ်ခ(သင်တန်းသား)
( ၂ ) ကသဆွဲပြား
( ၃) လိုင်စင်ဓာတ်ပုံကြေး
( ၄) ဒိုဘီခ
( ၅) ယူနီဖောင်းတံဆိပ်တပ်ခ
(ဃ) အောက်ပါပစ္စည်းများထုတ်ပေးမည်ဖြစ်ပြီးသင်တန်းဆင်းပါကပြန်လည် အပ်နှံရမည်ဖြစ်ပါသည် –
(၁ ) ခုတင်
(၂ ) မွေ့ရာ
(၃ ) ခေါင်းအုံး (၁)လုံး
(၄ ) စောင်(၁)ထည်
(၅ ) ယူနီဖောင်း(၃)စုံ
(၆ ) လျှာထိုးဦးထုပ် (၁)လုံး
(၇ ) ခါးပတ် (၁)ခု
(၈ ) တောစီးဖိနပ်(အနက်) (၁)ရန်
(၉ ) ရှူးဖိနပ်(အနက်) (၁)ရန်
(၁၀) ဘေးလွယ်အိတ်(၁)လုံး
(၁၁) PT ဘောင်းဘီ (၁)ထည်
သင်တန်းမဖွင့်မီအစီအစဉ်
၅။ သင်တန်းမဖွင့်မီဆောင်ရွက်ရမည့် အစီအစဉ်မှာ အောက်ပါအတိုင်းဖြစ်ပါသည်-
(က) ၂၂-၇–၂၀၂၃ (စနေနေ့) ၀၉:၀၀ နာရီမှ ၁၁:၀၀ နာရီထိ
– အဆောင်ကြီးကြပ်အဖွဲ့က သင်တန်းကာလအတွင်း သင်တန်းသား/သူများ၏ နေထိုင်စားသောက်မှုစည်းကမ်း၊ စာသင်ဆောင်စည်းကမ်း၊ အိပ်ဆောင် စည်းကမ်းများအား ရှင်းလင်းခြင်း၊
၂၂-၇–၂၀၂၃ (စနေနေ့) ၁၃:၀၀ နာရီမှ ၁၆:၀၀ နာရီထိ
- သင်တန်းဝတ်စုံများ ထုတ်ပေးခြင်းနှင့် တက္ကသိုလ်ဈေးတန်းသို့ သင်တန်းသုံး
ပစ္စည်းများ ဝယ်ယူခြင်း။
( ခ ) ၂၃-၇–၂၀၂၃ (တနင်္ဂနွေနေ့)၀၉:၀၀ နာရီမှ ၁၁:၀၀ နာရီထိ
– ကာကွယ်ရေးပညာဌာနမှ အဆောင်ခင်းကျင်းမှုနှင့် ဝတ်စားဆင်ယင်မှုစည်းကမ်း များအား ရှင်းလင်းခြင်း၊
၂၃-၇–၂၀၂၃ (တနင်္ဂနွေနေ့)၁၃:၀၀ နာရီမှ ၁၆:၀၀ နာရီထိ
- တက္ကသိုလ်ဆေးရုံတွင် ကျန်းမာရေးဆေးစစ်မှုခံယူခြင်း။
နေ့စဉ်အချိန်ဇယား
၆။ သင်တန်းသား၊ သင်တန်းသူများသည် သင်တန်းကာလအတွင်း အောက်ဖော်ပြပါ သင်တန်း အချိန်ဇယားအတိုင်း လေ့ကျင့်သင်ကြားမှုများ ပြုလုပ်ကြရပါမည်-
(က) ၀၅:၃၀ နာရီ နံနက်အိပ်ရာထချိန်။
( ခ ) ၀၆:၀၀ – ၀၆:၃၀ နာရီ နံနက်ကိုယ်လက်ကြံ့ခိုင်ရေး။
( ဂ ) ၀၆:၃၀ – ၀၆:၅၀ နာရီ နံနက်စောစာစားချိန်။
(ဃ) ၀၇:၂၀ နာရီ တန်းစီ၊ လူစစ်၊ သစ္စာဆို။
( င ) ၀၈:၀၀ – ၁၁:၅၀ နာရီ နံနက်ပိုင်းသင်တန်းချိန်များ။
( စ ) ၁၂:၀၀ – ၁၃:၀၀ နာရီ နေ့လယ်စာစားချိန်။
(ဆ) ၁၃:၀၀ – ၁၅:၅၀ နာရီ နေ့လယ်ပိုင်းသင်တန်းချိန်များ။
( ဇ ) ၁၆:၃၀ – ၁၇:၀၀ နာရီ ညနေပိုင်းကိုယ်လက်ကြံ့ခိုင်ရေး။
( ဈ ) ၁၇:၃၀ – ၁၈:၃၀ နာရီ ညနေစာစားချိန်။
(ည ) ၁၈:၅၀ နာရီ တန်းစီ၊ လူစစ်၊ သစ္စာဆို။
( ဋ ) ၁၉:၀၀ – ၂၁:၀၀ နာရီ ကိုယ်ပိုင်စာကြည့်ချိန်။
( ဌ ) ၂၁:၃၀ နာရီ အိပ်ချိန်(မီးအားလုံးပိတ်)
ဝတ်စုံသတ်မှတ်ချက်
၇။ သင်တန်းသား၊သင်တန်းသူများသည် သင်တန်းတက်ရောက်နေစဉ်ကာလအတွင်း အောက်ပါ အတိုင်း ဝတ်ဆင်ရမည် –
(က) သင်တန်းဝတ်စုံ။ သင်တန်းသား၊ သင်တန်းသူများအား သင်တန်းဝတ်စုံ(၃)စုံကို
တက္ကသိုလ်မှ ထုတ်ပေးပါမည်။
( ခ ) ကြံ့ခိုင်ရေးဝတ်စုံ။ တီရှပ်(အဖြူ)၊ PT Uniform ဘောင်းဘီရှည်၊ ကင်းဘတ်
ဖိနပ်(အဖြူ)၊ ခြေအိတ်။
(ဂ ) စားရိပ်သာ၌ ထမင်းစားချိန်တွင် အောက်ပါအတိုင်းဝတ်ဆင်ရမည်-
(၁) သင်တန်းသားများ။ လည်ကတုံးအင်္ကျီအဖြူ၊ ကော်လံပါသောအင်္ကျီ၊
ပုဆိုးနှင့် ညှပ်ဖိနပ်။
(၂) သင်တန်းသူများ။ မြန်မာအင်္ကျီလက်ရှည်/ လက်စက၊ ထဘီနှင့်ညှပ်ဖိနပ်။
(ဃ) သင်တန်းချိန်ပြင်ပ တက္ကသိုလ်အပန်းဖြေနယ်မြေသို့ ထွက်ခွာရာတွင် အောက်ပါ အတိုင်း ဝတ်ဆင်ရမည် –
(၁) သင်တန်းသားများ။ လည်ကတုံးအင်္ကျီအဖြူ၊တိုက်ပုံအဖြူ၊ပုဆိုးနှင့်ညှပ်ဖိနပ်။
(၂) သင်တန်းသူများ။ ရင်ဖုံးအင်္ကျီလက်ရှည်၊ လက်စက၊ ထဘီနှင့်ညှပ်ဖိနပ်။
(င ) သတ်မှတ်ဝတ်စုံများကိုဝတ်ဆင်ရာတွင် သင်တန်းသားစိစစ်ရေးကတ်ကို သင်တန်း ဝတ်စုံများ၌ လက်ယာဘက်ရင်အုံ ဒုတိယမြောက်ကြယ်သီး၏ တည့်တည့်တွင် တပ်ဆင်ရမည်ဖြစ်ပြီး၊ အရပ်ဝတ်ဖြင့်ဝတ်ဆင်ရာ၌ လည်ဆွဲကတ်ပြားများကို လည်ပင်း တွင် ချိတ်ဆွဲဝတ်ဆင်ရမည်ဖြစ်ပါသည်။
စည်းကမ်းများ
၈။ သင်တန်းသား၊သင်တန်းသူများသည် နိုင်ငံ့ဝန်ထမ်းတက္ကသိုလ်(အောက်မြန်မာပြည်)မှ ချမှတ် ထားသောအောက်ဖော်ပြပါ စည်းကမ်းသတ်မှတ်ချက်များကို လိုက်နာကြရပါမည် –
(က) စာသင်ဆောင်စည်းကမ်း
(၁) သတ်မှတ်ဝတ်စုံကိုဝတ်ဆင်ရမည်၊
(၂) စာသင်ခန်းတွင် အချိန်မီနေရာယူပြီးဖြစ်ရမည်၊
(၃) သင်တန်းနှင့် မသက်ဆိုင်သည့်စာအုပ်၊ ပစ္စည်း၊ အစားအသောက် စသည်များကို ယူဆောင်ခွင့်မပြု၊
(၄) လက်ကိုင်ဖုန်း၊Mp 3၊ MP4၊ Camera၊ Video Camera စသည်တို့ကို စာသင်ကြားချိန်အတွင်း အသုံးမပြုရ။
( ခ ) အိပ်ဆောင်စည်းကမ်း
(၁) တစ်ယောက်အိပ်ခန်း(သို့မဟုတ်)HallTypeများစီစဉ်ပေးမည်ဖြစ်ပြီး သတ်မှတ် ပေးထားသော အိပ်ခန်း/အိပ်ဆောင်များတွင် စည်းကမ်းတကျ နေထိုင်ရမည်၊
(၂) အသုံးပြုရန် ထုတ်ပေးထားသော ပစ္စည်းများကို စနစ်တကျ ကိုင်တွယ် အသုံးပြုရမည်၊
(၃) အိပ်ခန်း/အိပ်ဆောင်အတွင်းသို့ ဧည့်သည်များ ခေါ်ဆောင်ခြင်းမပြုရ၊
(၄) အိပ်ခန်း/အိပ်ဆောင်အတွင်း/အပြင်ကို နေ့စဉ်သန့်ရှင်းရေး ပြုလုပ်ပြီး သပ်ရပ်စွာဖြင့် စနစ်တကျ ဆောင်ရွက်ထားရမည်၊
(၅) အိပ်ခန်း / အိပ်ဆောင်အတွင်း၌ ချက်ပြုတ်စားသောက်ခြင်း လုံးဝမပြုလုပ်ရ၊
(၆) နိုင်ငံပိုင်ပစ္စည်းများကို မိမိကိုယ်ပိုင် ပစ္စည်းသဖွယ် ဂရုတစိုက် ရိုသေစွာ ကိုယ်တွယ်အသုံးပြုကြရမည်။ မိမိကြောင့် နိုင်ငံပိုင်ပစ္စည်း တစ်စုံတစ်ရာ ပျက်စီး၊ပျောက်ဆုံးပါက ပစ္စည်းတန်ဖိုး၏ (၃)ဆကို ပေးလျော်ရမည်။
( ဂ ) စားရိပ်သာစည်းကမ်း
(၁) စည်းကမ်းတကျ စားသောက်ကြရမည်၊
(၂) သတ်မှတ်ဝတ်စုံကိုဝတ်ဆင်ကြရမည်၊
(၃) တာဝန်မှအပ စားရိပ်သာဝန်ထမ်းများနှင့် ဆက်သွယ်ဆက်ဆံခြင်း မပြုလုပ်ရ၊
(၄) သတ်မှတ်ချိန်အတွင်းသာ စားသောက်ရမည်။
(ဃ) စာကြည့်တိုက်စည်းကမ်း
(၁) သင်တန်းချိန်ပြင်ပ ကိုယ်ပိုင်ချိန်များတွင် အသုံးပြုခွင့်ရှိသည်၊
(၂) သတ်မှတ်ထားသောစည်းကမ်းအတိုင်း စာအုပ်စာတမ်းများကို ငှားရမ်းဖတ်ရှု
နိုင်သည်။
၉။ သင်တန်းသား၊ သင်တန်းသူအားလုံးတို့သည် နိုင်ငံ့ဝန်ထမ်းတက္ကသိုလ်(အောက်မြန်မာပြည်)မှ ထုတ်ပြန်ထားသော သင်တန်းဝင်ညွှန်ကြားလွှာ၊ သင်တန်းသား၊ သင်တန်းသူများ လိုက်နာရန် သင်တန်းဆိုင်ရာ တည်မြဲအမိန့်နှင့် အခါအားလျော်စွာ ထုတ်ပြန်ထားသော ဒေသန္တရအမိန့်နှင့် ညွှန်ကြားချက်များကို တိကျစွာလိုက်နာရမည့်အပြင် အောက်ဖော်ပြပါအချက်များကိုလည်း လိုက်နာ ရမည်-
(က) နိုင်ငံတော်အစိုးရမှ သတ်မှတ်ထားသော ဥပဒေ၊ နည်းဥပဒေများ၊ အမိန့်နှင့် ညွှန်ကြားချက်များ၊ သီးခြားထုတ်ပြန်ထားသောအမိန့်နှင့် ညွှန်ကြားချက်များကို လိုက်နာရမည်၊
( ခ) နိုင်ငံရေးပါတီများနှင့်ပတ်သက်ဆက်နွယ်ခြင်း၊ စည်းရုံးလှုံ့ဆော်ခြင်းမပြုလုပ်ရ၊
( ဂ) နိုင်ငံရေးပါတီတစ်ခုခု၏ အမှတ်တံဆိပ်ပါရှိသည့် အသုံးအဆောင်ပစ္စည်းများဝတ်ဆင်
အသုံးပြုခြင်း၊ နိုင်ငံတော်ကို ဆန့်ကျင်သည့် အရေးအသားအပြောအဆိုများဖြင့်
လှုံ့ဆော်ခြင်း၊ အားပေးအားမြှောက်ပြုခြင်းများ လုံးဝ (လုံးဝ) မပြုလုပ်ရ၊
(ဃ) သင်တန်းနှင့်ပတ်သက်သော အကြောင်းအရာများ၊ နိုင်ငံရေးနှင့်ပတ်သက်သော အကြာင်းအရာများကို လူမှုကွန်ယက်တွင် လွှင့်တင်ခြင်း၊ Like & Share ပြုလုပ်ခြင်း၊ Comment ရေးသားခြင်းများ လုံးဝ(လုံးဝ) မပြုလုပ်ရ။
တားမြစ်ချက်များ
၁၀။ သင်တန်းသို့ အောက်ပါပစ္စည်းများ ယူဆောင်မလာရန် တားမြစ်သည် –
(က) လူကိုအန္တရာယ်ဖြစ်စေနိုင်သည့်ပစ္စည်းများနှင့်ထိခိုက်ရှနာဖြစ်စေတတ်သော ပစ္စည်းများ၊
( ခ ) အဖိုးတန် လက်ဝတ်ရတနာပစ္စည်းများနှင့် များပြားသော ငွေကြေးပမာဏ၊
( ဂ ) ရေဒီယို၊ကက်ဆက်နှင့်တူရိယာပစ္စည်းများ၊
(ဃ) စစ်တုရင်၊ကျားခုံ၊ ဇယ်တောက်ခုံ
( င ) မူးယစ်စေတတ်သောအဖျော်ယမကာများ၊စိတ်ပြောင်းမူးယစ်ဆေးဝါးနှင့် အကျုံးဝင်သည့် ပစ္စည်းများ၊
( စ ) သင်တန်းနှင့် မသက်ဆိုင်သော ပစ္စည်းများ( ဥပမာ-မော်တော်ကား၊ဆိုင်ကယ်)၊
( ဆ ) မြန်မာ့ရိုးရာယဉ်ကျေးမှုဓလေ့ထုံးတမ်းနှင့်မလျော်ညီသောဆံပင်ကိုဆေးရောင်စုံဆိုး ခြင်း၊ အမျိုးသားများ နားကွင်း/နားကပ်ပန်ခြင်း၊ အမျိုးသမီးများ နားပေါက် အများအပြား ဖောက်၍ နားကပ်ပန်ခြင်း စသည်တို့ကို ခွင့်မပြုပါ၊
(ဇ) တက္ကသိုလ်နယ်မြေအတွင်းတွင် မြန်မာ့ရိုးရာယဉ်ကျေးမှုနှင့် မလျော်ညီသည့် သရုပ်ပျက် ဝတ်စားဆင်ယင်မှုများ၊ ပါတီနိုင်ငံရေးနှင့် ကင်းရှင်းမှုမရှိသည့် ရုပ်ပုံ / အလံ / တံဆိပ်/ စာသားများပါရှိသည့် အဝတ်အစားများဝတ်ဆင်ခြင်းမပြုရ။
အထွေထွေကိစ္စရပ်များ
၁၁။ အောက်ပါစည်းကမ်းချက်များကို လိုက်နာဆောင်ရွက်ရမည်ဖြစ်ပါသည် –
(က) အိပ်ဆောင်များနှင့် စားရိပ်သာများတွင် စုပေါင်းနေထိုင် စားသောက်ကြရမည်ဖြစ်ပြီး အခြားမည်သူတစ်စုံတစ်ဦးကိုမှ သင်တန်းခန်း၊ သင်တန်းဆောင်များသို့ ခေါ်ဆောင်ခွင့် မပြုပါ၊
(ခ ) မိမိတို့နေထိုင်ရာ အဆောင်ဝန်း / အဆောင်အတွင်း /အပြင် သန့်ရှင်းရေးကို နေ့စဉ် ဆောင်ရွက် ကြရမည်။
သင်တန်းပျက်ကွက်ခွင့်
၁၂။ သင်တန်းကာလအတွင်း သာမာန်အားဖြင့် ကိုယ်ရေးကိုယ်တာ ကိစ္စများအတွက် သင်တန်း ပျက်ကွက်ခွင့် ပြုမည် မဟုတ်ဘဲ နာရေးကိစ္စနှင့် အထောက်အထား ခိုင်လုံသောကိစ္စများကိုသာ စဉ်းစားမည်ဖြစ်သည်။
၁၃။ တစ်ဆင့်မြင့်ရာထူးအတွက်ပြည်ထောင်စုရာထူးဝန်အဖွဲ့(သို့မဟုတ်) သက်ဆိုင်ရာဝန်ကြီးဌာန မှပြုလုပ်သော စာမေးပွဲများမှအပ မည်သည့်စာမေးပွဲကိုမျှ ဖြေဆိုခွင့်ပြုမည်မဟုတ်ပါ။
မိခင်ဌာနသို့ ပြန်လည်စေလွှတ်ခြင်း
၁၄။ သင်တန်းတက်ရောက်နေစဉ်ကာလအတွင်း အောက်ပါအချက်များအား ဖောက်ဖျက်ပါက သင်တန်းတက်ရောက်ခြင်းမှ ရပ်စဲပြီး မိခင်ဌာနသို့ ပြန်လည်စေလွှတ်မည်ဖြစ်သည်-
(က) | သင်တန်းဆိုင်ရာ စည်းကမ်းဖောက်ဖျက်ခြင်း၊ ခိုက်ရန်ဖြစ်ပွားခြင်းနှင့် ရိုင်းပျစွာပြုမူ ဆက်ဆံခြင်း၊ သင်တန်းချိန် စုစုပေါင်း၏ (၁၀)% သင်တန်းပျက်ကွက်ခြင်း၊ ခွင့်မဲ့ ပျက်ကွက် စုစုပေါင်း(၇၂)နာရီပျက်ကွက်ခြင်း၊ |
(ခ ) | သင်တန်းတက်ရောက်စဉ်ကာလအတွင်း CDM ဝန်ထမ်းများနှင့် သော်လည်းကောင်း၊ အစိုးရဆန့်ကျင်ဘက် မီဒီယာများနှင့်သော်လည်းကောင်း ချိတ်ဆက်၍ သင်တန်းဆိုင်ရာ အချက်အလက်များ၊ ဘာသာရပ်ဆိုင်ရာအချက်အလက်များ၊ တက္ကသိုလ်ဆိုင်ရာ အချက်အလက်များ ပေးပို့ခြင်းမပြုရ၊ ပေးပို့ကြောင်း စုံစမ်းသိရှိပါက သင်တန်း တက်ရောက်ခြင်းမှရပ်စဲ၍ ဌာနဆိုင်ရာရေးယူ ဆောင်ရွက် နိုင်ရေး မိခင်ဌာနသို့ ပြန်လည်စေလွှတ်ခြင်းခံရမည်။ |
သက်သာချောင်ချိရေး
၁၅။ အောက်ပါအတိုင်း စီစဉ်ဆောင်ရွက်ထားရှိပေးမည် ဖြစ်ပါသည် –
( က ) တက္ကသိုလ်တွင်းစျေးဆိုင်တန်းခြင်း-
(၁) သတ်မှတ်ချိန်အတွင်းသွားနိုင်သည်၊
(၂) သတ်မှတ်ဝတ်စုံကိုစနစ်တကျဝတ်ဆင်ရမည်၊
(၃) တရားမဝင်ပစ္စည်းများ ဆက်သွယ်မှာယူ /စားသုံးခြင်း မပြုလုပ်ရ။
(ခ) ဒိုဘီပေးခြင်း။ မိသားစုဒိုဘီများသို့ စျေးနှုန်းချိုသာစွာဖြင့် အပ်နှံနိုင်ရန် စီစဉ်
ဆောင်ရွက်ပေးမည်။
ကျန်းမာရေး
၁၆။ အောက်ပါအတိုင်း ဆောင်ရွက်ပေးမည် ဖြစ်ပါသည်-
(က) သင်တန်းကာလအတွင်း ကျန်းမာရေးချို့တဲ့ပါက တက္ကသိုလ်ဆေးရုံသို့ အဖော်(၁)ဦး လိုက်ပါ၍ တက္ကသိုလ်ဆေးရုံ တာဝန်ခံဆရာဝန်ထံ ပြသရမည်၊
( ခ ) အနားယူရန်လိုအပ်ပါက တက္ကသိုလ်ဆေးရုံ တာဝန်ခံဆရာဝန်က ဆေးနား (ဆေးအဆင့်-စီ) သတ်မှတ်ပေးမည်၊
( ဂ ) သင်တန်းချိန်အတွင်း ဆေးခန်းသွားခြင်း၊ ဆေးနားခံစားခြင်း၊ ဆေးစစ်ခံသွားရောက် ခြင်းများအား သင်တန်းပျက်ကွက်ချိန်အဖြစ် သတ်မှတ်မည်။
လောင်းကစားခြင်း၊ မူးယစ်စေတတ်သော အဖျော်ယမကာများ၊ မူးယစ်ဆေးဝါးနှင့် အကျုံးဝင်သည့် ပစ္စည်းများ သုံးစွဲခြင်း
၁၇။ အောက်ပါစည်းကမ်းအတိုင်း လိုက်နာရမည်-
(က) သင်တန်းကာလအတွင်း မည်သည့်လောင်းကစားခြင်းမျိုးကိုမျှ မပြုလုပ်ရ၊
( ခ ) မူးယစ်စေတတ်သော အဖျော်ယမကာများ၊ မူးယစ်ဆေးဝါးနှင့် အကျုံးဝင်သည့်
ပစ္စည်းများ သုံးစွဲခြင်း/ ယူဆောင်လာခြင်းလုံးဝ မပြုလုပ်ရ၊
( ဂ ) ဖောက်ဖျက်ကျူးလွန်ပါက သင်တန်းဆက်လက်တက်ရောက်ခြင်းမှရပ်စဲခြင်းခံရမည်။
တက္ကသိုလ်မှပြန်လည်ထွက်ခွာခြင်း
၁၈။ သင်တန်းပြီးဆုံး၍ တက္ကသိုလ်မှ ပြန်လည်ထွက်ခွာရာတွင် အောက်ပါအချက်များကို ဆောင်ရွက်ရပါမည်-
(က) ထုတ်ပေး/ ငှားရမ်းထားသောပစ္စည်းများအား ပြန်လည်အပ်နှံပြီးဖြစ်ရမည်၊
( ခ ) ငွေကြေးဆိုင်ရာ ကိစ္စရပ်များ ရှင်းလင်းပြီး ဖြစ်ရမည်၊
( ဂ ) မိမိအိပ်ခန်း/အိပ်ဆောင် အတွင်း/ အပြင် သန့်ရှင်းရေးဆောင်ရွက်ပြီး ဖြစ်ရမည်။
Ut aut reiciendis voluptatibus maiores alias consequatur aut perferendis doloribus.
ENROLL NOW